Патриотический час "Ҫӗршыв хӳтӗлевҫисене —чыс та мухтав!" в Сиделинском б/п

Патриотический час "Ҫӗршыв хӳтӗлевҫисене —чыс та мухтав!" в Сиделинском б/п

🌟Раҫҫейре кашни ҫулах нарӑсӑн 23 -мӗшӗнче Тӑван ҫӗршыв хӳтӗлевҫин кунне паллӑ тӑваҫҫӗ. Ҫак сумлӑ уяв ячӗпе Сителти вулавӑшра "Ҫӗршыв хӳтӗлевҫисене — чыс та мухтав!" патриотизм сехечӗ ирттерчӗҫ. Ӑна Оксана Хомуткина библиотекарь йӗркелесе ертсе пычӗ. Вӑл чӑн пирваях ҫарта сыхӑ тӑнӑ арҫынсене, хальхи вӑхӑтра тӗрлӗ ҫӗрте службӑри каччӑсене тата пулас салтаксене чунтан саламларӗ. Маттур та пултаруллӑ арсене кирек хӑҫан та пире хӳтӗлеме хатӗр пулнишӗн тав турӗ. Ҫирӗп сывлӑхпа пурӑнма вӑй-хӑват сунчӗ.
⚡Мероприятинче ытларах паттӑрлӑх, патриотизм ыйтӑвӗсене сӳтсе яврӗҫ. Тӑван ҫӗршывшӑн ҫунса тӑраканӑн еплерех пулмаллине палӑртрӗҫ.  
   Библиотекарь пухӑннисене Раҫҫейри Тӑван ҫӗршыв хӳтӗлевҫин, Чӑваш Енри Ҫӗнтерӳпе патриотизм ҫулталӑкӗсене халалланӑ кӗнеке куравӗпе паллаштарчӗ.
🌟Округра Тӑван ҫӗршывӑн  Аслӑ вӑрҫине хутшӑннӑ ентешсем пирки упраса хӑварас тӗллевпе кашни ялӑн "Асӑну кӗнекине" кӑларас ӗҫ пурнӑҫланса пырать. Сителсен вӑл вӗҫленнӗпе пӗрех ӗнтӗ. Патриотизм сехетӗнче Оксана Валериевна мероприятинче хутшӑнакансене унпа тӗплӗн  паллаштарчӗ. Пухӑннисене кашнин Аслӑ вӑрҫа хутшӑннӑ тӑванӗ пирки тупса парса кӑтартрӗ. 
  ⚡️Ҫӗршыв хӳтӗлевҫисене халалланӑ мероприяти туллин те кӑсӑклӑ иртрӗ. Вӑл кашнинех ҫӗршыв пуласлӑхӗ, шӑпи пирки шухӑшлаттарчӗ.



24 февраля 2025
09:01
Поделиться