Сителти культура ӗҫченӗсем учительсен уявӗ ячӗпе саламларӗҫ!
«Вĕрен! Вĕрен! Вĕрен!» — текен
Хĕвел чунлă Вĕрентекен,
Пуçа тайса халь умăрта
Сире мухтатпӑр ҫке чунтан!
Вӗрентекен чи ҫутӑ та таса сӑнар. Вӑл кашни ачана ҫул уҫса паракан. Эпир кашниех хамӑрӑн пӗрремӗш учительсене ӗмӗр асра тытатпӑр.
Педагогпа наставниксен ҫулталӑкне халалласа, учительсен уявӗ ячӗпе Сителти культура ӗҫченӗсем ялти кашни хальхи вӑхӑтра пӗлӳ парас ӗҫре тӑрӑшакан вӗрентекене тата учитель-ветерансене чунтан чӗререн хисеплесе килӗсене ҫитсе саламларӗҫ.
Оксана Хомуткина библиотекарь, Ирина Лякова культорганизатор тата "Хӗрарӑмсен канашӗн" пайташӗ Марина Выросова кашнинех сумлӑ та таравӑтлӑ ӗҫшӗн, ачасене пӗлӳ парса вӗрентнӗшӗн тав турӗҫ, малашнехи пурнӑҫра сывлӑх, телейлӗ кун-ҫул сунчӗҫ.