Чăваш Енри паллӑ ентешсен ҫулталӑкне, Патăрьел районĕ 95 çул тултарнине халалласа, Патӑрьелӗнчи тĕп библиотекӑра «Н. Исмуков сăмах ăсти - чаплă ята тивĕç» ятпа «Хавхалану» («Вдохновение») краеведени клубĕнче литературăпа поэзи каçĕ иртрĕ.  

            Клуб ертуçи Наталия Ракова пултаруллă поэт-прозаик Николай Исмуков çинчен тĕплĕн каласа пачĕ. Мероприятинче çавăн пекех «Нумай енлĕ талант» выставкăна тишкерчĕç, поэт сăввисене вуларĕç.

            Чăваш халăх поэчĕ Николай Аверкиевич Исмуков 1942 çулхи пуш уйăхĕн 2-мĕшĕнче Патăрьел районĕнчи Аслă Арапуç (Первомайски) ялĕнче çуралса ÿснĕ. Вăл философи наукисен докторĕ, профессор. Чăваш патшалăх премийĕн лауреачĕ. Шупашкарти коопераци институтĕнче ĕçлет. Н. Исмуков 120 ытла наука статьисемпе 5 монографи çырнă.

            Исмуков сăввисенче, пуринче те тенĕ пекех, тарăн шухăш, пурнăç хаклавĕ, малашлăх, ĕмĕт-тĕллев чаршавĕ хыçĕнчи шухăшлаттарать.

            Мероприятин иккĕмĕш пайĕнче «Николай Исмуков пурнăçĕпе пултарулӑхĕ» интернет-викторина пĕтĕмлетĕвĕ пулчĕ. Ку викторина Патӑрьелӗнчи тĕп библиотекӑн социаллӑ сетĕнче нарӑс уйӑхĕн 27-28 мĕшĕсенче  пычĕ. Пурĕ 12 ыйту пулчĕ. Викторинӑра 80 çын ытла хутшӑннӑ. Викторина пĕтĕмлетĕвĕ тӑрӑх çак çынсем çĕнтерÿçĕсем пулчĕç:

            1 вырӑнта - Елена Анюрова, Раиса Мышова, Ираида Козлова,  Валентина Тарасова, Таня Каруева, Алина Фролова, Светлана Аблясова, Эльвира Сейфуллина, Светлана Никитина, Лидия Платонова;

            2 вырӑнта - Лариса Еслюкова, Ирина Аксакова, Надежда Яковлева, Елена Степанова, Дмитрий Масов, Марат Хакимов, Людмила Майкова;

            3 вырӑнта - Надежда Маслова, Ольга Кутузова, Мария Ракова, Дарья Николаева, Анастасия Дмитриева, Марина Иванова, Татьяна Тихонова, Валентина Филиппова, Зифа Калимуллина,  Елена Васильева, Татьяна Дмитриева,  Маргарита Иванова, Кира Салмина.

            Çĕнтерÿçĕсене дипломсем парса чысланӑ.